Ռուսաստանի Գավաթ. «Ռուբինը» դուրս թողեց «Սպարտակին», Մովսիսյանը չօգնեց
22:36 30 հոկտեմբերի, 2014Ֆուտբոլի Ռուսաստանի գավաթի խաղարկության 1/8 եզրափակիչի խաղում Մոսկվայի «Սպարտակը» Կազանում (վիճակահանությամբ էր ընտրվել մրցավայրը) մրցեց «Ռուբինի» հետ: Հանդիպման հիմնական ժամանակում հաշիվը չբացվեց: 108-րդ րոպեին Մարկո Լիվայան գրավեց Ռեբրովի դարպասը, իսկ վերջին վայրկյանին 11 մետրանոցից հաշիվը 2:0 դարձրեց Սերդար Ազմունը՝ ապահովելով քառորդ եզրափակիչի ուղեգիր «Ռուբինի» համար:
«Սպարտակի» եւ Հայաստանի հավաքականի հարձակվող Յուրա Մովսիսյանը հանդիպումը սկսեց պահեստայինների նստարանին: 106-րդ րոպեին նա փոխարինեց Խոսե Խուրադոյին:
Քառորդ եզրափակիչում «Ռուբինի» մրցակիցը կլինի Մոսկվայի «Լոկոմոտիվը», որը 1:0 հաշվով առավելության էր հասել «Ուֆայի» նկատմամբ:
Ռուսաստանի Գավաթ, 1/8 եզրափակիչ
«Ռուբին» Կազան - «Սպարտակ» Մոսկվա՝ 2:0
Մարկո Լիվայա, 108, Սերդար Ազմուն, 120+4, 11մ
Հեռացում՝ Տինո Կոստա («Սպարտակ»), 112
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.