Զագրեբ. Հայ բռնցքամարտիները նվաճեցին երկու բրոնզե մեդալ

Խորվաթիայի մայրաքաղաք Զագրեբում ընթացող բռնցքամարտի Եվրոպայի երիտասարդական առաջնությունում Հայաստանը նվաճեց երկու բրոնզե մեդալ: Կիսաեզրափակիչում Հայաստանի մարզիկներից առաջինը ռինգ դուրս եկավ 49 կգ քաշային Ալեն Դանիելյանը, ով մենամարտեց ռուս Իվան Աբրամովի հետ: Հայ մարզիկը հիանալի մենամարտ անցկացրեց, մրցակցին գրեթե միշտ սեղմած պահելով ռինգի անկյուններում, սակայն մրցավարները հաղթանակը անարդար տվեցին ռուս մարզիկին:

Պարտություն կրեց նաև 91 կգ քաշային Սերյոժա Հակոբյանը, ով համառ պայքարում պարտվեց Ուկրաինան ներկայացնող Կոստանտին Պինչուկին, հայտնում են Հայաստանի բռնցքամարտի ֆեդերացիայի մամուլի ծառայությունից: