«Մետալուրգի» գլխավոր մարզիչը՝ Կառլեն Մկրտչյանի բացակայության մասին
15:51 24 հոկտեմբերի, 2014Դոնեցկի «Մետալուրգի» գլխավոր մարզիչ Վլադիմիր Պյատենկոն NEWS.am Sport-ի թղթակցի հետ զրույցում պարզաբանեց Կառլեն Մկրտչյանի բացակայությունը վերջին խաղերում եւ շրջանառվող լուրերը, թե Հայաստանի հավաքականի կիսապաշտպանը թիմի հետ չի մարզվում:
«Հավաքականների խաղերի ընթացքում մեր թիմում արձակուրդ էր: Ամբողջ թիմը չէր մարզվում երկար ժամանակ, այլ ոչ թե անհատապես որեւէ ֆուտբոլիստ: Կառլենը երկար ժամանակ է բաց թողել: Նրան պետք է հասնել իր լավագույն մարզավիճակին: Այլ խնդիրներ չկան: Ի՞նչ կարող եմ ասել, նրա հետագայի մասին: Ամեն ինչ կարգին է:
Ինչ վերաբում է Ռումյան Հովսեփյանին, ապա նա շատ լավ տպավորություն է թողնում: Մենք նրան հետեւում էինք դեռ Հայաստանի հավաքականի ելույթների ժամանակ: Եվ պատահական չէ, որ նրան վերցրել ենք մեզ մոտ: Եղել է, որ նա դուրս գա հիմնական կազմում, եղել է, որ փոխարինվել է: Այս երկու ֆուտբոլիստների հետ էլ մենք հույսեր ենք կապում»,- ասաց Պյատենկոն:
Ուկրաինայի առաջնության 9-րդ տուրում Դոնեցկի «Մետալուրգը» հոկտեմբերի 19-ին Կիեւում ընդունեց Լուգանսկի «Զարյային»: Հանդիպման հաշիվը չբացվեց: «Մետալուրգը» 10 միավորով բաժանում է 8-10-րդ տեղերը:
Հայաստանի հավաքականի կիսապաշտպան Ռումյան Հովսեփյանը մնաց «Մետալուրգի» փոխարինողների թվում, իսկ Կառլեն Մկրտչյանը հայտավորված չէր դաշտի տերերի կազմում:
Վերա Մարտիրոսյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.