Մոսկվայի «Սպարտակի» նախկին մարզիչը կգլխավորի «Ուլիսը»

18:15   12 հոկտեմբերի, 2014

Մոսկվայի «Սպարտակի» նախկին գլխավոր մարզիչ Դմիտրի Գունկոն առաջիկայում կգլխավորի Երեւանի «Ուլիսը», որը վերջերս պաշտոնանկ էր արել Սուրեն Չախալյանին:

«Սպորտ Էքսպրեսի» համաձայն՝ 38-ամյա մասնագետը Երեւան է ժամանել «Ուլիսի» հետ բանակցելու համար:

Վերջին շրջանում Դմիտրի Գունկոն «Սպարտակի» գործադիր տնօրենի երիտասարդական ֆուտբոլի զարգացման հարցերով խորհրդականն էր: Նա «Սպարտակը» գլխավորել է նախորդ մրցաշրջանի վերջնամասում, երբ հեռացվեց Վալերի Կարպինը:

Հիշեցնենք, որ Հայաստանի Բարձրագույն խմբի առաջնության 9 տուրերում «Ուլիսը» չի կրել ոչ մի պարտություն եւ 25 միավոր գլխավորում է մրցաշարային աղյուսակը:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։