ՀԱՕԿ նախագահ. Կան շատ նուրբ հարցեր, որոնք քննարկման կարիք ունեն

Ես համաձայն եմ, որ Հայաստանի պատվիրակությունը մասնակցի Բաքվում կայանալիք Եվրոպական մարզական խաղերին, բայց պետք է լսեմ նաեւ մարզիկների, մարզիչների եւ հանրության կարծիքը, քանի որ կան շատ նուրբ հարցեր, որոնք քննարկման կարիք ունեն:

Այս մասին լրագրողների հետ հանդիպման ընթացքում ասաց ՀԱՕԿ նախագահ Գագիկ Ծառուկյանը՝ խոսելով 2015-ին առաջին անգամ անցկացվելի Եվրոպական մարզական խաղերին Հայաստանի հնարավոր մասնակցության մասին: Խաղերն անցկացվելու են Ադրբեջանի մայրաքաղաքում:

«Որպես Միջազգային օլիմպիական կոմիտեի անդամ, համաձայն եմ, որ մեր մարզիկները մասնակցեն Բաքվում կայանալիք Եվրոպական խաղերին: ՄԵնք ունենք շատ լավ մարզիկներ, պատրաստված,  նրանք պատրաստ են ցանկացած երկրում մասնակցելու մրցումների եւ մեր պատիվը բարձր պահելու: Եվ նույնությամբ կարող են մասնակցել նաեւ Ադրբեջանում կայանալիք Եվրոպական խաղերին: Բայց քանի որ կան շատ նուրբ ու ցավոտ հարցեր, որոնք ես պետք է անպայման մեր  մարզիկների եւ մարզիչների, ինչպես նաեւ հանրության հետ համապատասխան քննարկումներ անենք եւ վերջանական կոնսուլտացված որոշում կայացնել՝ մասնակցել, թե ոչ»,- ասել է Գագիկ Ծառուկյանը:

Նշեցնք, որ ավարտվեց ՄՕԿ-ի նախագահ Թոմաս Բախի եւ ԵՕԿ նախագահ Պատրիկ Հիկեի աշխատանքային այցը Երեւան:

Լուսինե Շահբազյան 

Ֆոտո՝ NEWS.am Sport