ԵՕԿ նախագահ. Ադրբեջանը երաշխավորել է հյուրընկալություն եւ անվտանգություն Հայաստանի մարզիկներին

15:14   9 հոկտեմբերի, 2014

Եվրոպական օլիմպիական կոմիտեն Հայաստանի մարզական պատվիրակությանը տալիս է Բաքվում համապատասխան ընդունելության եւ անվտանգության երաշխիքներ, հայտարարել է ԵՕԿ նախագահ Թոմաս Հիկեն Երեւանում ընթացող ԵՕԿ, ՄՕԿ, ՀԱՕԿ նախագահների համատեղ ասուլիսում: 2015-ին առաջին անգամ կայանալիք Եվրոպական մարզական խաղերն ընդունելու է Ադրբեջանի մայրաքաղաքը:

«Մենք տալիս ենք համապատասխան ընդունելության երաշխիք, եթե իհարկե Հայաստանի մարզական պատվիրակությունը որոշի մեկնել Եվրոպական խաղերի: Նրանց կվերաբերվեն մեծ հարգանքով: Ադրբեջանի կողմը ինձ հայտնել է, որ եթե Հայաստանի մարզիկները որոշեն մասնակցել, ապա Բաքվում կընդունեն հյուրընկալությամբ եւ կտան անվտանգության երաշխիքներ: Չմասնակցելու դեպքում, որեւէ պաժամիջոց կամ հաջորդ տարվա աշխարհի առաջնություններում, օլիմպիական վարկանիշային մրցաշարերում որեւէ խոչընդոտ Հայաստանի մարզիկները չեն ունենա»,- ասել է Պատրիկ Հիկեն:

ՀԱՕԿ նախագահ Գագիկ Ծառուկյանը Միջազգային օլիմպիական կոմիտեի նախագահ Թոմաս Բախին առաջարկեց Ադրբեջանի ԱՕԿ նախագահին փոխանցել, որ հարեւան երկրները խնդիրները պետք է լուծեն խաղաղ բանակցային պայմաններում, խաղաղությամբ եւ համերաշխությամբ: Թոմաս Բախը նշեց, որ առաջարկը շատ լավն է եւ կառուցողական:

Լուսինե Շահբազյան



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.