ՄՕԿ նախագահ. Հրանտ Շահինյանը դարձավ մեր օլիմպիական սրտերի թագավորը (ֆոտո)

«Բարի լույս». վարժ հայերենով ողջունեց Միջագզային օլիմպիական կոմիտեի նախագահ Թոմաս Բախը Հայաստանի առաջին ժամանակակից օլիմպիական չեմպիոն Հրանտ Շահինյանի արձանի բացման հանդիսավոր արարողության մասնակիցներին ուղղված ողջույնի խոսքում:

«Այսօր բոլոր հայերը կարող են հպարտ լինել: Ամբողջ օլիմպիական շարժումը այսօր կարող է հպարտ լինել, որովհետեւ այսօր մենք հարգանքի տուրք ենք մատուցում Հայաստանի եւ ամբողջ աշխարհի մեծագույն օլիմպիականներից մեկին: Օլիմպիականները մեր շարժման սիրտն ու հոգին են, նրանք մեր արժեքների խորհրդանիշն են: Նրանք թույլ են տալիս, որ իրենց հաջորդող երիտասարդները հավատան հաջողություններին, երազանքներին եւ ապագային:  Հրանտ Շահինյանը այն մեծ չեմպիոնների շարքում է, որ Հայաստանը տվել է աշխարհին: Հրատն Շահինյանն ժամանակակից օլիմպիական շարժման առաջին հայ չեմպիոնն է:  Հրանտ Շահինյանը դարձավ մեր օլիմպիական սրտերի թագավորը:

Այսօր մենք այստեղ ենք՝ մեծարելու Հրանտ Շահինյանին. արտակարգ մարմնամարզիկ, որը խորհրանշում է ցանկանացած խոչընդոտ հաղթահարելու կարողությունը: Նրա համար այդ հաջողության ճանապարհը դժվար էր: Բայց նա ընդունեց դժվարության մարտահրավերը եւ հաղթահարեց այն: Նա դարձավ աշխարհի մեծագույն մարմնամարզիկներից մեկը՝ ունենալով երկու ոսկե եւ երկու արծաթ մեդալներ Հելսինկիում: Հեռանալով մարմնամարզությունից՝ նա իր կյանքն ու սիրտը նվիրեց երիտասարդությանը, եկող սերնդին իր փորձը փոխանցելուն: Այդ պատճառով Հայաստանում եւ ամենուր Հրանտ Շահինյանը կմնա օլիմպիզմի խորհրդանիշ:  Նրա օրինակը շատերի համար կդառնա ոգեշնչում, որպեսզի իրենք շարունակեն բարդ մարզական ճանապարհը եւ նույն ազնվությամբ պայքարեն, ինչպես Հրանտ Շահինյանն էր պայքարում: Օլիմպիական շարժման անունից ես կցանկանայի շնորհակալություն հայտնել Հայաստանի օլիմպիական կոմիտեի նախագահ Գագիկ Ծառուկյանին, ով իր վրա է վերցրել այս հանձնառությունը եւ հարգանքի տուրք է մատուցել Հրանտ Շահինյանին:

Պարոն Ծառուկյանն էլ է մեծ չեմպիոն, արդեն 10 տարի է, ինչ նա պայքարում է հայ մարզիկների, հայկական  սպորտի զարգացման համար, որ հայ մարզիկները լավագույն պայմաններում կարողանան աշխատել եւ մրցակցել: Նա ամեն ինչ անում է, որ հայ մարզիկներն ունենան լավագույն պայմանները: Բոլոր հայերը կարող են հպարտ լինել իրենց մարզիկներով, Հայաստանի օլիմպիական կոմիտեով եւ կոմիտեի նախագահով: Միգուցե Հայաստանը փոքր բնակչություն ունի, բայց Հայաստանն ունի մեծ սիրտ, եւ  այդ սրտում մեծ տեղ մեծ սպորտի համար: Մեծ սեր ունի Հայաստանը սպորտի նկատմամբ: Շնորհակալ եմ, որ ՀԱՕԿ նախագահը մեծ ներդրում է կատարում սպորտի զարգացման համար, ինչպես այս արձանի ստեղծումը: Հայաստանի բոլոր մարզիկներին մաղթում եմ պայծառ ապագա»,- ասաց ՄՕԿ նախագահ Թոմաս Բախը:

Հիշեցնենք, որ հոկտեմբերի 9-ին Երեւանում բացվեց հայկական մարմնամարզության լեգենդ, օլիմպիմպիական չեմպիոն Հրանտ Շահինյանի արձանը: Նրա անվան մարզադպրոցի մոտ տեղադրված արձանը բացեցին Միջազգային օլիմպիական կոմիտեի նախագահ Թոմաս Բախը, Հայաստանի ազգային օլիմպիական կոմիտեի նախագահ Գագիկ Ծառուկյանը եւ օլիմպիական չեմպիոնի այրին՝ Էմմա Շահինյանը:

Լուսինե Շահբազյան

Ֆոտո՝ NEWS.am Sport