Արթուր Դավթյանը 5-րդն է բազմամարտում
13:52 25 մայիսի, 2012Ֆրանսիայի Մենպելյե քաղաքում մայիսի 24-ին մեկնարկել է սպորտային մարմնամարզության Եվրոպայի տղամարդկանց առաջնություն, որին մասնակցում են նաեւ հայ մարզիկները:
32 թիմերի պայքարում Հայաստանի հավաքականը գրավել է 11-րդ, իսկ երիտասարդական հավաքականը՝ 20-րդ տեղը:
Առավել հաջող է հանդես եկել Արթուր Դավթյանը: Արթուրը բազմամարտում, վեց գործիքների վրա վարժություններում գրավել է 5-րդ տեղը (մեծահասակների մրցաշարին մասնակցում են 39 երկրների ներկայացուցիչներ):
Արթուր Դավթյանը եւ նրա թիմակիցներ Հարություն Մերդինյանն ու Վահագն Դավթյանը շարունակում են պայքարը` հենացատկի, նժույգի թափի եւ օղակների վրա վարժություններում: Այս եռյակը հաջողությամբ հաղթահարել է նախնական փուլի արգելքը եւ պատրաստվում է մեդալների համար պայքարին:
Հայաստանի հավաքականը հայրենիք կվերադառն մայիսի 28-ին, հաղորդում է ՀԱՕԿ-ի պաշտտոնական կայքը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.