Կարապետ Չալյանը եւ Գեւորգ Սահակյանը՝ բանակայինների աշխարհի չեմպիոններ
11:40 6 հոկտեմբերի, 2014ԱՄՆ-ի Նյու Ջերսի քաղաքում ընթացող հունահռոմեական ոճի ըմբշամարտի բանակայինների աշխարհի 29-րդ առաջնության առաջին օրը շատ հաջող է ստացվել Հայաստանի համար:
Գեւորգ Սահակյանը (66 կգ) եւ Կարապետ Չալյանը (75 կգ) դարձել են բանակայինների աշխարհի չեմպիոններ՝ թիմային 15-ական միավոր պարգեւելով Հայաստանի հավաքականին
Նախորդ տարի Սահակյանն այս մրցաշարում գրավել էր երկրորդ տեղը, իսկ գյումրեցի Կարապետ Չալյանը 2013թ. աշխարհի երիտասարդական չեմպիոնն է:
59 կգ քաշային Ռոբերտ Կիրակոսյանն ու 71 կգ քաշային Ռաֆայել Ալեքսանյանը բավարարվել են բրոնզե մեդալներով՝ թիմային 8-ական միավոր բերելով Հայաստանին: Ռաֆայելն աշխարհի նորընծա չեմպիոն Արթուր Ալեքսանյանի ավագ եղբայրն է:
Առաջնության վերջին օրը Հայաստանի ըմբիշներից պայքարի մեջ կմտնի 85 կգ քաշային Մաքսիմ Մանուկյանը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։