Ռակիչի դուբլը հաղթանակ բերեց «Արարատին»
18:50 28 սեպտեմբերի, 2014«Արարատ» - «Ալաշկերտ» խաղով ավարտվեց ֆուտբոլի Հայաստանի Բարձրագույն խմբի առաջնության երկրորդ շրջանի առաջին՝ 8-րդ տուրը: Երեւանի «Հրազդան» ստադիոնում կայացած մրցավեճում 2:1 հաշվով հաղթեց «Արարատը», որը նախորդ 7 խաղերում կրել էր 6 պարտություն՝ հեռացնելով գլխավոր մարզիչ Դուշան Միյիչին: Դաշտի տերերից դուբլի հեղինակ դարձավ սերբ հարձակվող Ալեքսանդր Ռակիչը:
Այս հաղթանակից հետո «Արարատը» հեռացավ վերջին տեղից եւ այժմ 6 միավորով 7-րդն է: «Ալաշկերտը» հավաքել է 7 միավոր:
8-րդ տուրից հետո առաջատարը 22 միավոր հավաքած «Ուլիսն» է: Մեկ խաղ պակաս անցկացրած «Գանձասարն» ունի 14 միավոր, իսկ «Փյունիկը» 13 միավորով եզրափակում է լավագույն եռյակը:
Հայաստանի առաջնություն, 8-րդ տուր
Սեպտեմբերի 28
«Արարատ» - «Ալաշկերտ»` 2:1
Ալեքսանդր Ռակիչ, 2, 84 – Նորայր Գյոզալյան, 45+1
«Բանանց» - «Շիրակ»՝ 1:1
Վահագն Այվազյան, 25 - Դրիսա Դիարասուբա, 55
Սեպտեմբերի 27
«Ուլիս» - «Փյունիկ»՝ 2:1
Էդուարդ Կպոդո, 20, Արտակ Ալեքսանյան, 80 - Սեզար Ռոմերո, 50 (11մ.)
«Միկա» - «Գանձասար»՝ 1:1
Անտոն Մոնախով, 8 (ինքնագոլ) - Բորիս Օրլովսկի, 84
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.