Սամվել Դարբինյանը կգլխավորի «Արարատը»
19:03 26 սեպտեմբերի, 2014Սամվել Դարբինյանը կփոխարինի Դուշան Միյիչին «Արարատի» գլխավոր մարզիչի պաշտոնում, հայտնում է երեւանյան ակումբի կայքը: 62-ամյա Դարբինյանը նախկինում երկու անգամ գլխավորել է «Արարատը»` 1995-ին եւ 2011-ին, իսկ 1986-ին եւ 1991-ին Դարբինյանն ընդգրկված է եղել «Արարատի» մարզչական շտաբում: 1995-ին Դարբինյանի գլխավորությամբ «Արարատը» դարձել է Հայաստանի գավաթակիր:
Սամվել Դարբինյանը տարբեր տարիների գլխավորել է Հայաստանի ազգային հավաքականը, Երեւանի «Երեւան», «Կիլիկիա», «Փյունիկ» եւ «Միկա», Բեյրութի «Ռասինգ», ինչպես նաեւ` Իրանի «Զոբ Ահան», «Փեյքան», «Սայփա Շոմալ» թիմերը: Դարբինյանի վերջին ակումբն էր Իրանի առաջին խմբի առաջնությունում հանդես եկող «Գիթի Փասանդը»:
Փորձառու մասնագետի գլխավորությամբ «Երեւանը» դարձել է Հայաստանի չեմպիոն (1997) եւ բրոնզե մեդալակիր (1996/1997, 1998), «Փյունիկը» նվաճել է չեմպիոնի կոչումը (2001), «Միկան» դարձել է առաջնության արծաթե մեդալակիր (2009), իսկ «Զոբ Ահանը» նվաճել է Իրանի գավաթը (2002):
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.