Գեւորգ Ղազարյան. Նախնական տվյալների համաձայն՝ չեմ խաղա առնվազն 10 օր
01:00 24 սեպտեմբերի, 2014Հայաստանի հավաքականի եւ «Օլիմպիակոսի» կիսապաշտպան Գեւորգ Ղազարյանը վնասվածք է ստացել «Պանախաիկիի» դեմ ֆուտբոլի Հունաստանի գավաթի խաղարկության խաղում: Այդ մասին Ղազարյանը պատմել է NEWS.am Sport-ի թղթակցի հետ զրույցում:
«Ստացել եմ աճուկի վնասվածք: Նախնական տվյալների համաձայն՝ չեմ կարողանա խաղալ առնվազն 10 օր: Ավելի հստակ կիմանանք առաջիկա օրերին, երբ մանրակրկիտ կհետզոտվեմ»,- զրույցում հայտնեց Ղազարյանը:
Հիշեցնենք, որ սեպտեմբերի 23-ին կայացած խաղում Գեւորգ Ղազարյանն «Օլիմպիակոսի» մեկնարկային կազմում էր, սակայն փոխարինվեց ընդմիջմանը՝ խաղադաշտից հեռանալով կաղալով: Հոկտեմբերի 11-ին Հայաստանի հավաքականը Երեւանում Եվրո-2016-ի ընտրական խաղ է անցկացնելու սերբերի հետ: Այդ հանդիպմանը չեն մասնակցելու նաեւ Մոսկվայի «Սպարտակի» հարձակվող Յուրա Մովսիսյանը եւ Դորտմունդի «Բորուսիայի» կիսապաշտպան Հենրիխ Մխիթարյանը:
Վերա Մարտիրոսյան
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։