Հենրիխ Մխիթարյանը վնասվածք է ստացել եւ չի խաղա սերբերի դեմ
15:26 21 սեպտեմբերի, 2014Դորտմունդի «Բորուսիայի» կիսապաշտպան Հենրիխ Մխիթարյանը վնասվածք է ստացել «Մայնցի» դեմ գերմանական Բունդեսլիգայի չորրորդ տուրի խաղում, հայտնում է ակումբի կայքը:
«Մայնցի» դեմ խաղում Հայաստանի հավաքականի 25-ամյա ֆուտբոլիստը փոխարինման էր դուրս եկել երկրորդ խաղակեսի միջնամասում, իսկ վերջին րոպեներին ստացել է վնասվածք, բայց կարողացել է ավարտել հանդիպումը: «Բորուսիայի» բժիշկ Մարկուս Բրաունի խոսքով՝ Մխիթարյանի ապաքինման համար կպահանջվի մոտ 4 շաբաթ, ինչը նշանակում է, որ նա չի մասնակցի սերբերի դեմ Եվրո-2016-ի ընտրական փուլի երկրորդ տուրի խաղին:
Հայաստան - Սերբիա հանդիպումը կկայանա հոկտեմբերի 11-ին Երեւանում: Բացի այդ, հոկտեմբերի 14-ին Հայաստանի հավաքականն ընկերական խաղ է անցկացնելու Եվրո-2016-ը հյուրընկալող ֆրանսիացիների հետ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.