Լեհաստանում հայ եւ թուրք բռնցքամարտիկների մենամարտն ավարտվել է սկանդալով
12:02 21 սեպտեմբերի, 2014Լեհաստանի Կիելցե քաղաքում այս օրերին տեղի է ունենում բռնցքամարտի միջազգային մրցաշար, որին մասնակցում են նաեւ Հայաստանի ներկայացուցիչները:
Սեպտեմբերի 21-ին առաջինը ռինգ է դուրս եկել Կորյուն Սողոմոնյանը, ով պարտվել է ամերիկացի Ջեքսոն Մալիկին։
Երկրորդը պայքարի մեջ է մտել Արման Հովհիկյանը՝ հաղթելով լեհ Կամիլ Գարդզիելիկին։
Երրորդը ռինգ դուրս եկած Հենրիկ Սարգսյանի մենամարտը թուրք բռնցքամարտիկի հետ ստացվել է սկանդալային: Հենրիկն անցկացրել է հիանալի մենամարտ՝ երկու անգամ նոկդաունի ենթարկելով մրցակցին, սակայն մրցավարները հաղթանակը շնորհել են թուրք բռնցքամարտիկին: Դրանից հետո հայկական կողմը բողոքարկել է, իսկ Լեհաստանի ֆեդերացիան աղմուկ է բարձրացրել՝ նշելով, որ իրենց մրցաշարի ժամանակ նման անարդարություն թույլ չեն տա: Արդյունքում՝ մրցաշարի կազմակերպիչը եւ գլխավոր մրցավարը մոտեցել են Հենրիկ Սարգսյանին եւ նրան են փոխանցել առաջին տեղի մրցանակը եւ ոսկե մեդալը:
Այս մասին ֆեյսբուքյան էջում հայտնել է Հայաստանի բռնցքամարտի ֆեդերացիայի նախագահ Արթուր Գեւորգյանը, ով այս օրերին Լեհաստանում է:
Ֆոտո՝ Արթուր Գեւորգյանի ֆեյսբուքյան էջից
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.