Հայաստանի թիմը երրորդն է աշխարհի առաջնությունում
13:33 15 սեպտեմբերի, 2014Իսպանիայի Գրանադա քաղաքում սեպտեմբերի 6-20-ը անցկացվող հրաձգութան աշխարհի 51-րդ առաջնության 10 մ վազող թիրախ խառը վազք (20+20 կրակոց) տղաների պայքարում 12 մրցակիցներից Ռազմիկ Մինասյանը 360 միավորով գրավել է 5-րդ տեղը, Հովհաննես Խաչատրյանը 355 միավորով՝ 7-րդ տեղը եւ Շանթ Սարգսյանը 347 միավորով՝ 11-րդ տեղը: Նույն վարժության թիմային պայքարում 1121 միավորով հաղթել է Ֆինլանդիան, Ռուսաստանը 1071 միավորով երկրորդն է, իսկ երրորդը եղել է հայկական եռյակը, որը վաստակել է 1062 միավորով:
Գրանադայում մեդալներից բացի, 94 երկրի 2000 հրաձիգներ պայքարում են նաեւ 2016թ. Օլիմպիական խաղերի 64 ուղեգրերի համար: Աշխարհի առաջնությունը հրաձգության առաջին մրցաշարն է, որտեղ խաղարկվում են Ռիո-2016-ի օլիմպիական ուղեգրեր:
Հրաչիկ Բաբայանը 10մ օդամղիչ հրացան (60 կրակոց) երիտասարդների պայքարում հավասարը չի ունեցել որակավորման փուլում: 78 մասնակիցների մեջ Բաբայանը 624,9 միավորով գլխավորել է մրցաշարային աղյուսակը:
Սեպտեմբերի 15 կմրցի միայն Հրաչիկ Բաբայանը՝ մասնակցելով եզրափակչին, իսկ մյուսները մրցելույթները կշարունակեն հաջորդ օրը, փոխանցում են Հայաստանի հրաձգության ֆեդերացիայից:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.