Սերժ Սարգսյանը՝ Գյումրիի ֆուտբոլային ակադեմիայի բացմանը (ֆոտո)
17:51 13 սեպտեմբերի, 2014Շիրակի մարզում սեպտեմբերի 13-ին տեղի է ունեցել Գյումրիի ֆուտբոլային ակադեմիայի բացմանը հանդիսավոր արարողությունը: Միջոցառմանը ներկա է եղել նաեւ Հայաստանի նախագահ Սերժ Սարգսյանը, հայտնում է president.am-ը:
Ակադեմիան հիմնադրվել է Հայաստանի Հանրապետության, Հայաստանի ֆուտբոլի ֆեդերացիայի (ՀՖՖ) ու ՖԻՖԱ-ի եւ ՈւԵՖԱ-ի կողմից իրականացված համատեղ ներդրումային ծրագրի արդյունքում:
Ծրագիրը մեկնարկել է 2011-ի նոյեմբերին՝ ավարտվելով 2014-ի օգոստոսին: Ակադեմիան ունի ժամանակակից ֆուտբոլի սպասարկման համար անհրաժեշտ ենթակառուցվածքներ: Գյումրիում նախագահին ներկայացրել են ակադեմիայի ծրագրերը, որոնց շրջանակում նախատեսում է տեղի մասնագետների համար կազմակերպել մարզչական կրթական դասընթացներ, դրանց արդյունքում վերապատրաստված ու համապատասխան արտոնագրեր ստացած մարզիչներն իրավունք կստանան աշխատելու ակադեմիայում: Ակադեմիայում կարող են մարզվել մինչեւ 1000 մարզիկներ, աշխատել՝ մոտ 40 գյումրեցիներ:
Ֆոտո՝ ՀՖՖ
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.