Արթուր Աբրահամ. Լավ սովորող մարդկանց առջեւ կյանքը բացում է բազմաթիվ դռներ (ֆոտոշարք)

13:49   1 սեպտեմբերի, 2014

Դպրոց ոտք դնելուն պես` իմ կյանքում սկսվեց մի լուսավոր շրջան. ես հասկացա գիտելիքի կարեւորությունը մարդու կյանքում, գիտակցեցի, որ առանց գիտելիքի  մարդը կորած է եւ որ լավ սովորող մարդկանց առջեւ կյանքը բացում է բազմաթիվ դռներ, ստեղծում հաղթելու հնարավորություններ: Առաջին ուսուցիչներիս առ այսօր անսահման սիրում եմ, ու վստահ եմ, որ այդ սերը երբեք չի պակասի: 

Այս մասին NEWS.am Sport-ի թղթակցի հետ զրույցում ասաց պրոֆեսիոնալ բռնցքամարտի սուպերմիջին քաշային կարգում WBO վարկածով աշխարհի չեմպիոն Արթուր Աբրահամը:  

«Ես ընդունվել եւ ավարտել եմ Երեւանի Ներքին Չարբախի թիվ 99 միջնակարգ դպրոցը: 1987 թվականի սեպտեմբերի 1-ին, առաջին անգամ ոտք դրեցի իմ սիրելի կրթօջախ: Իմ առաջին ուսուցչուհին եղել է տիկին Առաքելյանը: 3-րդ դասարանից հետո մեր դասարանի դասղեկն էր տիկին Իսկանդարյանը: Նրանց եւ իմ բոլոր ուսուցիչներին անսահման սիրում եւ հարգում եմ ու վստահ եմ, որ այդ սերը երբեք չի պակասի:

Արթուր Աբրահամը երկրորդ շարքում, ձախից երրորդն է

Դպրոց ոտք դնելուն պես` իմ կյանքում սկսվեց մի լուսավոր շրջան. ես հասկացա գիտելիքի կարեւորությունը մարդու կյանքում, գիտակցեցի, որ առանց գիտելիքի  մարդը կորած է եւ որ լավ սովորող մարդկանց առջեւ կյանքը բացում է բազմաթիվ դռներ, ստեղծում հաղթելու հնարավորություններ:

Ամեն տարի ամառային արձակուրդներին մեծ սպասումներ էի ունենում` կապված սեպտեմբերի 1-ի հետ: Ուզում էի շուտ գար այս օրը, քանի որ կարոտում էի դասընկերներիս, ուսուցիչներիս, նաեւ` դասերը:

Արթուր Աբրահամն առաջին շարքում ձախից չորրորդն է

Սիրելի աշակերտներ եւ ուսուցիչներ, շնորհավորում եմ ձեզ` նոր ուսումնական տարվա մեկնարկի առթիվ:  Բոլորիդ մաղթում եմ նորանոր հաջողություններ, աշակերտներին` հաջողություններ նախեւառաջ ուսման մեջ, քանի որ հետագա  բոլոր հաջողությունները ուղղակի-անուղղակի կապ են ունենալու գիտելիքի հետ:

Արթուր Աբրահամը երկրորդ շարքում ձախից առաջինն է

Եղեք աշխատասեր. նկատած կլինեք, որ ինչքան շատ ենք աշխատում, այդքան ավելի հաջողակ ենք դառնում: Հենց այսօրվանից լավ սովորեք եւ սկսեք կերտել ձեր վաղվա հաջողությունները, հավատացե'ք, ոչ մի հաղթող չի հավատում պատահականությանը: Թող որ կրթվելու, նոր գիտելիքներ ձեռք բերելու պահանջն ուղեկցի ձեզ միշտ եւ ամենուր»: 

Լուսինե Շահբազյան



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.