Ուեյն Ռունին՝ Անգլիայի հավաքականի ավագ
17:09 28 օգոստոսի, 2014«Մանչեսթեր Յունայթեդի» 28-ամյա հարձակվող Ուեյն Ռունին նշանակվել է ֆուտբոլի Անգլիայի ազգային հավաքականի ավագ, հաղորդում է bbc-ն: Որոշումն ընդունել է թիմի գլխավոր մարզիչ Ռոյ Հոջսոնը: Ռունին թիմին դուրս կբերի սեպտեմբերի 3-ին Նորվեգիայի դեմ ընկերական եւ սեպտեմբերի 9-ին 2016թ. Եվրոպայի առաջնության ընտրական մրցաշարի մեկնարկային խաղերին: Անգլիայի առաջին մրցակիցը Շվեյցարիան է:
«Անգլիայի հավաքականի ավագ լինելը իմ եւ իմ ընտանիքի երազանքն էր: Ես հպարտությամբ եմ ընդունում այս դերը: Շնորհակալ եմ Հոջսոնին եւ մարզչական շտաբին ինձ վստահելու համար»,- ասել է Ռունին:
Անգլիայի հավաքականում Ուեյն Ռունին նորամուտը նշել է 2003-ին, անցկացրել է 95 հանդիպում եւ խփել է 40 գնդակ:
Անգլիայի հավաքականի նախորդ ավագը Սթիվեն Ջերարդն էր, որը աշխարհի առաջնությունից հետո ավարտեց կարիերան ազգային թիմում:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.