Նանջինգ-2014. Վաղինակ Մաթեւոսյանը՝ բրոնզե մեդալակիր
13:50 27 օգոստոսի, 2014Հայաստանը ներկայացնող Վաղինակ Մաթեւոսյանը բրոնզե մեդալ նվաճեց Չինաստանի Նանջինգ քաղաքում ավարտին մոտեցող ամառային պատանեկան Օլիմպիական խաղերի ազատ ոճի ըմբշամարտի մրցաշարում:
54 կգ քաշային կարգում Մաթեւոսյանը բրոնզե մեդալի համար գոտեմարտեց եմենցի Էբրահիմ Ալ Շեբահի հետ՝ տանելով ժամանակից շուտ հաղթանակ: Արդեն առաջին մրցափուլում Վաղինակը ստացավ 10 միավորի առավելություն՝ 10:0: Ավելի վաղ հայ ըմբիշը հաղթել էր ռուս, նորզելանդացի եւ վենեսուելացի մարզիկների, սակայն պարտվել էր Ղազախստանի ներկայացուցչին՝ զրկվելով ոսկե մեդալի համար պայքարելու հնարավորությունից:
Սա Հայաստանի 6-րդ մեդալն էր Նանջինգ-2014-ում: Ավելի վաղ հայ մարզիկները նվաճել էին 2-ական ոսկե եւ արծաթե եւ մեկ բրոնզե մեդալ:
Ֆոտո՝ NEWS.am Sport
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.