Միշա Ալոյանն առաջին անգամ կմենամարտի իր ծննդյան օրը
17:16 22 օգոստոսի, 2014Բռնցքամարտի աշխարհի կրկնակի չեմպիոն Միշա Ալոյանը մարզական կարիերայի ընթացքում առաջին անգամ մենամարտ կանցկացնի իր ծննդյան օրը: Օգոստոսի 23-ին Ռուսաստանը ներկայացնող մարզիկը կդառնա 26 տարեկան: Այդ օրը նա Ռուսաստանի առաջնության 52 կգ քաշային կարգի մեկնարկային մենամարտում կմրցի Ռուստեմ Ֆախրետդինովի հետ, հաղորդում է rsport-ը:
«Բոլոր մրցակիցներս իմ դեմ տրամադրվում են առանձնահատուկ, քանի որ ձգտում են խլել ինձնից տեղը Ռուսաստանի հավաքականում, առավել եւս՝ Օլիմպիական խաղերը սարերի հետեւում չեն: Բայց ես եւս գիտեմ, թե ինչի են ընդունակ իմ մրցակիցները: Վաղը կլինի իմ առաջին մենամարտը Ռուսաստանի առաջնությունում, եւ առաջին անգամ ես մենամարտ կանցկացնեմ ծննդյանս օրը: Մրցակցին գիտեմ, թերագնահատել չի կարելի»,- ասել է Միշա Ալոյանը:
Հիշեցնենք, որ 2012թ. Լոնդոնի Օլիմպիական խաղերում Միշա Ալոյանը բավարարվեց բրոնզե մեդալով:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.