Նանջինգ-2014. Հարություն Դերմիշյանը մեդալ չնվաճեց

Չինաստանի Նանջինգ քաղաքում մեկնարկած ամառային պատանեկան Օլիմպիական խաղերում Հայաստանի ներկայացուցիչներից օգոստոսի 17-ին առաջինը պայքարի մեջ մտավ ձյուդոիստ Հարություն Դերմիշյանը, ով մեդալ չնվաճեց:

66 կգ Դերմիշյանը պայքարը սկսեց 1/32 եզրափակիչից՝ մեկնարկային գոտեմարտում պարտվելով հարավկորեացի Ռյու Սեունգվանին: Բրոնզե մեդալի համար պայքարում Հարություն Դերմիշյանը հաղթեց պուերտոռիկացի, բուլղարացի եւ ամերիկացի ձյուդոիստներին, սակայն չորրորդ գոտեմարտում պարտվեց ուզբեկ Սուխրոբ Թուրսունովին՝ մնալով առանց մեդալի: Հայ ձյուդոիստը գրավեց 7-րդ տեղը: Այս քաշային կարգում ոսկե մեդալակիր դարձավ ուկրաինացի Բոգդան Իադովը:

Օգոստոսի 17-ին Հայաստանի ներկայացուցիչներից պայքարի մեջ կմտնի նաեւ սպորտային մարմնամարզիկ Վիգեն Խաչատրյանը: