Օլիմպիադայի վերջին օրը եւս մեկ շախմատիստ է մահացել

21:15   15 օգոստոսի, 2014

Օգոստոսի 14-ին Նորվեգիայի Տրոմսյո քաղաքում ավարտված 41-րդ համաշխարհային օլիմպիադայի վերջին օրը, փակման հանդիսավոր արարողությունից հետո հյուրանոցային համարում մահացած են գտել ուզբեկ շախմատիստ Ալիշեր Անարկուլովին, որը լսողության եւ տեսողության խնդիրներով շախմատիստների 2012թ. աշխարհի չեմպիոնն էր, հաղորդում է itar-tass-ը: 45-ամյա Անարկուլովի մահվան փաստով քրեական գործ չի հարուցվի: Նորվեգիայի ոստիկանությունը չի քննարկում սպանության վարկածը՝ փաստելով բնական մահ:

Հիշեցնենք, որ Օլիմպիադայի վերջին օրը սրտի նոպայից մահացել էր Սեյշելյան կղզիների թիմի 65-ամյա խաղացող Կուրտ Մեյերը:

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.