ՖԻՖԱ-ի դեմ ներկայացվել է 1 միլիարդ դոլարի դատական հայց

23:16   14 օգոստոսի, 2014

74-ամյա կոլումբացի փաստաբան Աուրելիո Խիմենեսը դատի է տվել ՖԻՖԱ-ին: 2014թ. աշխարհի առաջնության մրցավարական սխալների հետեւանքով ստացած բարոյական վնասի համար Խիմենեսը ՖԻՖԱ-ից պահանջում է 1 միլիարդ դոլարի փոխհատուցում, հաղորդում է BBC-ն: Հիշեցնենք, որ ֆուտբոլի աշխարհի առաջնության քառորդ եզրափակիչում Կոլումբիան 1:2 հաշվով պարտվեց Բրազիլիային: Հանդիպման գլխավոր մրցավար Կարլոս Վելասկո Կարբալյոն հայտնվեց սուր քննադատության թիրախում:

«Աշխարհի առաջնության ժամանակ եղան բազմաթիվ մրցավարական սխալներ, որոնք վնաս հասցրեցին թիմերին եւ երկրպագուներին: ՖԻՖԱ-ն պետք է պատասխան տա»,- ասել է Խիմենեսը:

Փաստաբանը հայտարարել է, որ դատավարությունը շահելու դեպքում, գումարը կհատկացնի Կոլումբիայի երեխաների բարեկեցությամբ զբաղվող պետական կազմակերպություններին:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։