Կանանց Ռուսաստանի հավաքականը՝ Օլիմպիադայի եռակի չեմպիոն

Շախմատի կանանց Ռուսաստանի հավաքականը դարձավ Նորվեգիայում ավարտվող 41-րդ համաշխարհային շախմատային օլիմպիադայի չեմպիոն։

Ռուսաստանի թիմը 11 տուրից հետո վաստակեց 20 միավոր եւ անհասանելի դարձավ մյուս մրցակիցների համար։ Վերջին տուրում նրանք 2.5։1.5 հաշվով հաղթեցին բուլղարացիներին։ Ռուսաստանի թիմն ուժեղագույնն էր նաեւ 2010-ի եւ 2012-ի Օլիմպիադաներում։

17-ական միավոր ունեցող Չինաստանի եւ Ուկրաինայի թիմերը մրցում են միմյանց դեմ։ Կանանց Հայաստանի հավաքականը վերջին տուրից առաջ ուներ 15 միավոր։ Հայ շախմատիստուհիները երկու պարտիայից հետո 2։0 հաշվով հաղթում են իսպանուհիներին։