Հենրիխ Մխիթարյանի գոլն ու գոլային փոխանցումը հաղթանակ բերեցին «Բորուսիային»
20:52 6 օգոստոսի, 2014Ֆուտբոլի Գերմանիայի փոխչեմպիոն Դորտմունդի «Բորուսիան» օգոստոսի 6-ին ընկերական խաղ անցկացրեց լեհական «Շլյոնսկի» հետ՝ խփելով 3 անպատասխան գոլ:
Հայաստանի հավաքականի կիսապաշտպան Հենրիխ Մխիթարյանը Լեհաստանի Վրոցլավ քաղաքում կայացած խաղը սկսեց դորտմունդցիների մեկնարկային կազմում եւ դարձավ առաջին խաղակեսի գլխավոր հերոսը: 10-րդ րոպեին Մխիթարյանը բացեց հաշիվը, իսկ 10 րոպե անց գոլային փոխանցում կատարեց Իտալիայի հավաքականի հարձակվող Չիրո Իմոբիլեին: Հենրիխը հանդես էր գալիս ենթահարձակվողի դիրքում, իսկ ընդմիջումից հետո Յուրգեն Կլոպը փոխեց նրա խաղային դիրքը: Մխիթարյանը եւս 15 րոպե հանդես եկավ ձախ կիսապաշտպանի դիրքում, իսկ 60-րդ րոպեին փոխարինվեց: 82-րդ րոպեին փոխարինման դուրս եկած կոլումբացի հարձակվող Ադրիան Ռամոսը խփեց հյուրերը երրորդ գոլը՝ վերջակետ դնելով խաղին:
Նոր մրցաշրջանի նախապատրաստական փուլի ընթացքում Հենրիխ Մխիթարյանը մասնակցեց «Բորուսիայի» 6-րդ ընկերական խաղին եւ խփեց 7-րդ գոլը: Նա աչքի է ընկել բոլոր այն խաղերում, որոնց մասնակցել է:
Ընկերական խաղ, Վրոցլավ
«Շլյոնսկ» (Լեհաստան) – «Բորուսիա» (Գերմանիա)՝ 0:3
Հենրիխ Մխիթարյան, 10, Չիրո Իմոբիլե, 26, Ադրիան Ռամոս, 82
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.