Յան Նեպոմնյաշչի. Օլիմպիադայի ֆավորիտը Ռուսաստանի հավաքականն է
09:53 2 օգոստոսի, 2014Ինձ համար սա երկրորդ շախմատային Օլիմպիադան է։ Մինչ այդ հանդես եմ եկել 2010 թվականին Խանտի Մանսիյսկում, ասել է Ռուսաստանի հավաքականի անդամ Յան Նեպոմնյաշչին։ 24-ամյա գրոսմայստերը հայտարարել է, որ Ռուսաստանի հավաքականը Նորվեգիայի Տրոմսո քաղաքում անցկացվող 41-րդ համաշխարհային շախմատային օլիմպիադայի գլխավոր ֆավորիտն է։
«Այդ ժամանակ վատ հանդես չեկանք, զբաղեցրինք 6-րդ տեղը։ Անցած տարի դարձանք աշխարհի թիմային առաջնության չեմպիոն, իհարկե, այստեղ նույնպես ցանկանում ենք հասնել առավելագույն արդյունքի։ Մեր թիմը մրցումների վարկանիշային առաջատարն է։ Եթե նայենք նրա կազմին, կարելի է հասկանալ, որ Ռուսաստանի հավաքականը չի կարող չլինել ֆավորիտ։ Սակայն ֆավորիտի կարգավիճակի եւ ոսկե մեդալների միջեւ ընկած է լարված աշխատանքը»,- ռուս գրոսմայստերի խոսքը մեջբերում է Sovsport-ը։
Հիշեցնենք, որ Օլիմպիադան կանցկացվի օգոստոսի 2-ից 14-ը։ Հայաստանի հավաքականը վարկանիշով չորրորդն է։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.