Ալեքսիս Սանչեսն առաջին մարզումն անցկացրեց «Արսենալում» (ֆոտոշարք)
18:28 1 օգոստոսի, 2014Աշխարհի առաջնությունից հետո Մեքսիկայում հանգիստն անցկացրած Չիլիի հավաքականի հարձակվող Ալեքսիս Սանչեսը միացել է նոր ակումբին եւ առաջին մարզումն է անցկացրել Լոնդոնի «Արսենալում», հաղորդում է անգլիական ակումբի կայքը:
«Արսենալը» ֆրանսիացի գլխավոր մարզիչ Արսեն Վենգերի ղեկավարությամբ լոնդոնյան մարզաբազայում պատրաստվում է առաջիկա հանգստյան օրերին կայանալիք Emirates Cup-ին: Ընկերական մրցաշարում «Արսենալի» մրցակիցները կլինեն պորտուգալական «Բենֆիկան» եւ «Մոնակոն»:
Հիշեցնենք, որ Սանչեսը «Բարսելոնայից» է տեղափոխվել Լոնդոն: Կարիերայի ընթացքում Ալեքսիս Սանչեսը կատալոնական ակումբից բացի, հանդես է եկել նաեւ «Կոբրելոա», «Կոլո Կոլո», «Ռիվեր Փլեյթ» եւ «Ուդինեզե» ակումբներում: Չիլիի հավաքականում անցկացրած 71 հանդիպումներում խփել է 24 գնդակ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.