Բորիս Վասիլյան. Մեր նետաձիգների ելույթները գնահատում եմ բավարարից ցածր

12:50   29 հուլիսի, 2014

«Վատ ելույթների պատճառներից մեկն այն է, որ մեր տղաներից երեքը լիարժեք չեն կարողանում համալրել հավաքականը զինծառայության պատճառով»:

Այդ մասին հուլիսի 29-ին կայացած մամուլի ասուլիսի ժամանակ ասաց Հայաստանի նետաձգության հավաքականի գլխավոր մարզիչ Բորիս Վասիլյանը:

«Բավարարից ցածր եմ գնահատում հայ նետաձիգների ելույթները Եվրոպայի առաջնությունում: Հույս ունեինք, որ տղաները վարկանիշ ձեռք կբերեն, բայց ստացվեց հակառակը: Ի ուրախություն մեզ,  Գոհար Շահնազարյանին հաջողվեց վարկանիշ ձեռք բերել:

Տղաների վատ ելույթների պատճառներից մեկն այն է, որ մեր տղաներից երեքը լիարժեք չեն կարողանում համալրել հավաքականը զինծառայության պատճառով: Երկուսը ծառայում են, մեկն էլ երկու ամիս է, ինչ վերադարձել է:

Ինչ վերաբերում է փոխարինողներին՝ հավաքականում կան նրանց փոխարինողներ, սակայն նրանցից մեկը վնասվածք ուներ: Մեծ հույս ունենք, որ Հունաստանում կայանալիք առաջնությունում կհաջողվի թիմային վարկանիշ ձեռք բերել»,- ասաց Վասիլյանը:

Շուշանիկ Հակոբյան

Ֆոտո՝ NEWS.am Sport



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։