Էջմիածին. Եվրոպայի առաջնության չեմպիոնները (ֆոտոշարք)
13:07 26 հուլիսի, 2014Էջմիածնի «Արա եւ Այծեմնիկ» մարզական ակումբում ավարտվեց նետաձգության Եվրոպայի առաջնությունը:
Մրցումների վերջին օրը կայացան եզրափակիչ հանդիպումները:
Ոչ օլիմպիական աղեղներով (կոմպաուտ) տղամարդկանց մրցաշարում Եվրոպայի չեմպիոն հռչակվեց հոլանդացի Պետեր Էլզինգան, փոխչեմպիոն դարձավ իտալացի Սերխիո Պագնին, իսկ բրոնզե մեդալը նվաճեց ֆրանսիացի Սեբաստիան Պեյնոն:
Կանանց մրցաշարում ոսկե մեդալ նվաճեց ռուս Սվետլանա Չերկաշնեւան, ով եզրափակիչում առավելության հասավ իտալուհի Լաուրա Լոնգոյի նկատմամբ։ Բրոնզե մեդալի համար պայքարում լավագույնը դանիացի Սարա Հոլսթ Սոնիչսենն էր:
Օլիմպիական աղեղներով տղամարդկանց մրցաշարում ոսկե մեդալակիր դարձավ Գերմանիան ներկայացնող Ֆլորիան Կահլունդը, ով եզրափակիչում առավելության հասավ բելառուս Անտոն Պրիլեպովի նկատմամբ, իսկ երրորդ տեղը զբաղեցրեց ֆրանսիացի Պյեր Պլիհոնը:
Օլիմպիական աղեղներով կանանցից լավագույնը Ռուսաստանը ներկայացնող Տատյանա Սեգինան էր, արծաթե մեդալ նվաճեց լեհ Նատալիա Լեսնյակը, երրորդ մրցանակային տեղը զբաղեցրեց իսպանուհի Ալիսիա Մարինը:
Նետաձգության Եվրոպայի առաջնությունը մեկնարկել էր հուլիսի 21-ին:
Հայ նետաձիգներից միայն Գոհար Շահնազարյանին հաջողվեց նվաճել 2015-ին Բաքվում կայանալիք Եվրոպաական խաղերի ուղեգիր:
Շուշանիկ Հակոբյան
Ֆոտո՝ NEWS.am Sport
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.