Էջմիածին. Թիմային մրցաշարի հաղթողները (ֆոտո)
13:50 25 հուլիսի, 2014Էջմիածնի «Արա եւ Այծեմնիկ» մարզական ակումբում ավարտին է մոտենում նետաձգության Եվրոպայի առաջնությունը: Մրցումների 5-րդ օրը ասպարեզ էին դուրս եկել թիմային մրցաձեւերի եզրափակիչի մասնակիցները:
Օլիմպիական աղեղներով տղամարդկանց թիմային մրցաշարում ոսկե մեդալակիր դարձավ Ֆրանսիան, որը եզրափակիչում առավելության հասավ Գերմանիայի նկատմամբ։ Երրորդ տեղը բաժին հասավ Ռուսաստանին:
Կանանց թիմային մրցումներում լավագույնը նույնպես Ֆրանսիան էր։ Երկրորդ տեղը զբաղեցրեց Գերմանիան, բրոնզը նվաճեց Լեհաստանը:
Խառը թիմային մրցաձեւում լավագույնն էր Ռուսաստանը, երկրորդ տեղը բաժին հասավ Դանիային, իսկ բրոնզե մեդալը նվաճեց Բելառուսը:
Ոչ օլիմպիական աղեղներով (կոմպաուտ) խառը թիմային մրցաձեւում ոսկե մեդալ նվաճեցին դանիացիները, արծաթե մեդալակիր դարձավ Ռուսաստանը, իսկ բրոնզը բաժին հասավ Հոլանդիային:
Ոչ օլիմպիական աղեղներով կանանց թիմային մրցաշարի հաղթող ճանաչվեց Ռուսաստանի թիմը, որը եզրափակիչում առավելության հասավ Մեծ Բրիտանիայի նկատմամբ։ Բրոնզե մեդալի համար պայքարում լավագույնը Թուրքիան էր:
Տղամարդկանց թիմային պայքարում լավագույնը հոլանդացիներն էին, երկրորդ տեղը զբաղեցրին թուրքերը, երրորդ տեղում Իտալիայի թիմն էր:
Հուլիսի 26-ին կկայանան անհատական պայքարի եզրափակիչները:
Շուշանիկ Հակոբյան
Ֆոտո՝ NEWS.am Sport
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.