Էջմիածին. Թիմային պայքարի բրոնզե մեդալակիրները
13:45 23 հուլիսի, 2014Էջմիածնի «Արա եւ Այծեմնիկ» մարզական ակումբում շարունակվող նետաձգության Եվրոպայի առաջնության երրորդ օրը պայքարի մեջ մտան միայն թիմերը, որոնք մրցեցին օլիմպիական եւ ոչ օլիմպիական աղեղներով:
Օլիմպիական աղեղներով մեկնարկի դուրս եկան տղամարդկանց 31 եւ կանանց 19 թիմեր: Տղամարդկանց թիմային փայքարում բրոնզե մեդալ նվաճեց Ռուսաստանը, կանանց պայքարում՝ Լեհաստանը: Տղամարդկանց եւ կանանց եզրափակիչներում կհանդիպեն Գերմանիան ու Ֆրանսիան:
Ոչ օլիմպիական աղեղներով մրցաշարին մասնակցեցին տղամարդկանց 14, կանանց՝ 9 թիմեր: Տղամարդկանց պայքարում բրոնզե մեդալակիր դարձան իտալացիները, ովքեր առավելության հասան բրիտանացիների նկատմամբ: Կանանց պայքարում Թուրքիան հաղթեց Իտալիային եւ նվաճեց Եվրոպայի առաջնության բրոնզե մեդալը: Տղամարդկանց եզրափակիչում Հոլանդիան կմրցի Թուրքիայի հետ, իսկ կանանց եզրափակիչում կհանդիպեն Մեծ Բրիտանիան ու Ռուսաստանը:
Թիմային ձեւերում եզրափակիչները կկայանան հուլիսի 25-ին:
Հիշեցնենք, որ Հայաստանի ներկայացուցիչներից պայքարում մնացել է միայն Գոհար Շահնազարյանը, ով 1/24 եզրափակիչում կմրցի իսպանացի Ալիսիա Մարինի հետ:
Շուշանիկ Հակոբյան
(Ֆոտո՝ NEWS.am Sport)
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.