Վասիլ Շահնազարյան. Ինձ խանգարեց վնասվածքը, որից չկարողացա ապաքինվել
16:51 22 հուլիսի, 2014«Ավելի շատ խնդիրը վնասվածքիս հետ էր կապված: Փորձեցինք վերականգնել մատիս վնասվածքը՝ չհաջողվեց»:
Այդ մասին NEWS.am Sport-ի թղթակցի հետ զրույցում ասաց նետաձգության Հայաստանի հավաքականի առաջատար Վասիլ Շահնազարյանը, ով Եվրոպայի առաջնության 1/48 եզրափակիչում 0։6 հաշվով պարտվեց բելառուս մարզիկին:
Վասիլ, Եվրոպայի առաջնությունում քեզանից սպասելիքները շատ էին, որակավորման փուլը լավ միավորներով ավարտեցիր: Ի՞նչը խանգարեց քեզ այսօր:
Որակավորման փուլը շատ հաջող սկսեցինք, ամեն ինչ նորմալ էր: 1/48-ի ժամանակ տեխնիկական խնդիրներ եղան, փորձում էինք շտկել, սակայն չստացվեց:
Ի՞նչ տեխնիկական խնդրի մասին է խոսքը. նետի կամ աղեղի հետ կապվա՞ծ:
Ոչ, առաջին անգամ չէի կրակում դրանով: Հայաստանի առաջնության ժամանակ նույն գործիքներով էի կրակել եւ չեմպիոն եմ դարձել: Ավելի շատ խնդիրը վնասվածքիս հետ էր կապված: Փորձեցինք վերականգնել մատիս վնասվածքը՝ չհաջողվեց:
Եվրոպայի առաջնությունը քեզ համար ավարտվեց, ի՞նչ ես անելու առաջիկայում:
Վերադառնալու եմ զինծառայության (ժպտում է): Արդեն մեկ տարի է, ինչ ծառայում եմ Կապանում:
Շուշանիկ Հակոբյան
Ֆոտո՝ NEWS.am Sport
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.