Տիգրան Պետրոսյանը հաղթեց Վարշավայում, Կարեն Գրիգորյանը մոտենում է տիտղոսին
13:44 21 հուլիսի, 2014Տիգրան Լ. Պետրոսյանը նվաճել է Լեհաստանի մայրաքաղաք Վարշավայում ավարտված Նայդորֆի հուշամրցաշարի հաղթողի տիտղոսը: Շախմատի Հայաստանի հավաքականի գրոսմայստերը 9 հնարավորից վաստակեց 6,5 միավոր եւ նվաճեց առաջին մրցանակը: Նույն արդյունքը գրանցեցին եւս 6 մասնակիցներ, ովքեր Պետրոսյանին զիջեցին լրացուցիչ ցուցանիշներով: Հրանտ Մելքումյանը մրցաշարն ավարտեց 5,5 միավորով:
Կարեն Գրիգորյանն Իսպանիայի Բարսելոնա քաղաքում անցկացվող բաց մրցաշարում վերջին տուրից առաջ 8 հնարավորից վաստակել է 7 միավոր եւ միանձնյա գլխավորում է աղյուսակը: Կարեն Մովսիսյանն ունի 5 միավոր:
Լեւոն Բաբուջյանը Վրաստանի Փոթի քաղաքում կայացած Նանա Ալեքսանդրիայի գավաթի խաղարկությունում 9 հնարավորից վաստակեց 7,5 միավոր եւ 1-2-րդ տեղերը բաժանեց իսրայելցի գրոսմայստեր Վիտալի Գոլոդի հետ: Լրացուցիչ ցուցանիշներով Բաբուջյանին շնորհվեց երկրորդ մրցանակը: Հովիկ Հայրապետյանը 6,5 միավորով գրավեց երրորդ տեղը, հայտնում է Armchess-ը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.