Ռիցոլի. Կրամերը բախումից հետո չէր հասկանում, որ ԱԱ եզրափակիչում է

00:13   18 հուլիսի, 2014

Գերմանիայի հավաքականի կիսապաշտպանը Քրիստոֆ Կրամերը աշխարհի առաջնության եզրափակիչում ուղեղի ցնցում ստանալուց հետո չի գիտակցել, որ մասնակցում է եզրափակիչ հանդիպմանը: Այդ մասին ասել է Գերմանիա - Արգենտինա (1:0) հանդիպման իտալացի գլխավոր մրցավար Նիկոլա Ռիցոլին, որի խոսքով Կրամերից ստացել է շատ տարօրինակ հարց:

«Հարվածից հետո Կրամերը մոտեցավ ինձ եւ հարցրեց. «Մրցավար, սա եզրափակի՞չն է»: Ես մտածեցի, թե նա կատակ է անում եւ խնդրեցի կրկնել հարցը: Նա ասաց. «Ինձ անհրաժեշտ է ստույգ իմանալ, թե ինչ խաղ է սա»: Ես հաստատեցի, որ եզրափակիչն է: Նա շնորհակալություն հայտնեց: Դրանից հետո նրան փոխարինեցին»,- Ռիցոլիի խոսքը մեջեբրում է La Gazzetta dello Sport-ը:

Հիշեցնենք, որ աշխարհի առաջնության եզրափակիչի նախավարժանքի ժամանակ վնասվածք ստացավ գերմանացիների կիսապաշտպան Սամի Խեդիրան, եւ նրան փոխարինեց Քրիստոֆ Կրամերը: Սակայն արդեն 18-րդ րոպեին արգենտինացիների հետ բախման ժամանակ Կրամերը ուղեղի ցնցում ստացավ եւ 13 րոպե անց փոխարինվեց:



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։