Մարիո Գյոտցե. Առնվազն 15 տարի էլ կխաղամ Գերմանիայի հավաքականում
18:30 15 հուլիսի, 2014Նախատեսում եմ առնվազն 15 տարի էլ դեռ խաղալ Գերմանիայի ազգային հավաքականում, Բեռլինում հայտարարել է աշխարհի չեմպիոն Մարիո Գյոտցեն, հաղորդում է Bild-ը:
«Հավանաբար, ես դեռ շատ տիտղոսներ կնվաճեմ ազգային հավաքականի հետ: Առնվազն 15 տարի էլ կխաղամ: Եզրափակիչում ինձ դուրս բերեցին փոխարինման վճռական գնդակը խփելու համար, եւ ես երջանիկ եմ, որ դա հաջողվեց ինձ: Հետո այդ մասին կպատմեմ երեխաներիս եւ թոռներիս: Բայց դա դեռ շուտ չի լինի: Ես դեռ ամուսնացած էլ չեմ:
Կարծում եմ՝ այս տարվա աշխարհի առաջնությունն ավելի հետաքրքիր էր, քան 2010-ինը: Շատ գոլեր եղան, գրեթե բոլոր թիմերի խաղը դարձել է ավելի բովանդակալից: Սակայն եղան նաեւ բացասական նշանով անակնկալներ՝ Իսպանիայի, Իտալիայի եւ Անգլիայի ձախողումները: Իսկ ամենավառ տպավորությունը եզրափակիչից ու կիսաեզրափակիչից է, երբ հաղթեցինք Բրազիլիային 7:1 հաշվով»,- ասել է 22-ամյա Մարիո Գյոտցեն:
Հիշեցնենք, որ աշխարհի առաջնության եզրափակիչում Գերմանիան Մարիո Գյոտցեի գոլի շնորհիվ հաղթեց Արգենտինային՝ չորրորդ անգամ հռչակվելով աշխարհի չեմպիոն:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։