Աշխարհի առաջնությունը կհիշվի նաեւ այսպես (ֆոտոշարք)

Բրազիլիայում կայացած աշխարհի առաջնությունը առաջին հերթին կհիշվի գեղեցիկ ֆուտբոլով, ֆանտաստիկ խաղերով՝ 5:1, 7:1, ինչպես նաեւ նրանով, որ առաջին անգամ Հարավային Ամերիկայում չեմպիոն դարձավ եվրոպական թիմ:

Սակայն, բացի ֆուտբոլային իրադարձություններից՝ այս ԱԱ-ն մեզ նվիրեց բազմաթիվ այլ դրվագներ, որոնք քիչ պակաս գեղեցիկ ու հետաքրքիր չէին:

Հոլանդիայի հավաքականի պաշտպան Մարտինս Ինդին աշխարհի առաջնությանը նվիրեց իր խենթ հայացքը, երբ Իսպանիայի հետ խաղում Դիեգո Կոստան հարվածեց նրան, բայց մրցավարը չնկատեց դա:

Ավելի ուշ Ինդին դարձավ բոլոր մեմերի հերոսը:

Ինդիի հետքերով գնաց Մեքսիկայի հավաքականի երկրպագուհին, ում ապշած հայացքը նոր թեմա տվեց մեմերի սիրահարներին:

Ռոբին վան Պերսին այս առաջնությունում դարձավ իր կարիերայի ամենագեղեցիկ գոլի հեղինակը: Նա իր ցատկով ապացուցեց, որ հոլանդացիներն իրոք թռչող են: Բացի այդ, նա բոլորին ծիծաղելու առիթ տվեց:

Անհնար կլիներ, եթե Լուիս Սուարեսը չառանձնանար: Կյելինիին կծելը դարձավ առաջնության ամենաքննարկվող թեման:

Մեքսիկայի գլխավոր մարզիչ Միգել Հերերայի էմոցիոնալությունը:

Արգենտինայի հավաքականի գլխավոր մարզիչ Ալեխանդրո Սաբելյայի ընկնելը:

Խամես Ռոդրիգեսի ուսին նստած մորեխը:

Շվայնշտայգեր հոգեբանը:

Հոլանդիայի հավաքականի դարպասապան Յասպեր Սիլեսենի հետաքրքիր դիրքը:

Բրազիլիայի երկրպագուի թախծոտ աչքերը:

Վան Պերսին ավագի թեւկապը նվիրեց Հոլանդիայի հավաքականի ամենահավատարիմ երկրպագուին:

Ռոբենը հանգստացնում է արտասվող որդուն:

Դավիդ Լուիսի արցունքները

Գերմանիայի ֆուտբոլիստները հաղթանակը նշելիս չմոռացան Մարկո Ռոյսին:

Վերա Մարտիրոսյան