Միրոսլավ Կլոզեի հերթական ռեկորդը

11:10   14 հուլիսի, 2014

Իտալական «Լացիոյի» եւ Գերմանիայի հավաքականի հարձակվող Միրոսլավ Կլոզեն դարձել է հերթական ռեկորդի հեղինակ, փոխանցում է Reuters-ը։

36-ամյա ֆուտբոլիստը, ով Գերմանիայի հավաքականի կազմում դարձել է աշխարհի չեմպիոն, մեդալ է նվաճել չորս աշխարհի առաջնություններում անընդմեջ։ Այսպիսով, գերմանացին դարձել է պատմության միակ ֆուտբոլիստը, ում հաջողվել է հասնել նման արդյունքի։ Բացի այդ, Կլոզեին հաջողվել է դառնալ նաեւ աշխարհի առաջնությունների պատմության լավագույն ռմբարկուն՝ 16 գոլ։

Հիշեցնենք, որ 2002 թվականին Գերմանիան դարձել է աշխարհի առաջնության արծաթե մեդալակիր, իսկ 2006-ին եւ 2010-ին զբաղեցրել է երրորդ տեղը։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։