Ֆուտբոլի Բրազիլիայի հավաքականի գլխավոր մարզիչ Լուիս Ֆելիպե Սկոլարին աշխարհի առաջնության ավարտից հետո հեռացվեց պաշտոնից, հաղորդում է A Bola-ն։
Բրազիլիայի ֆուտբոլի կոնֆեդերացիան որոշում է կայացրել չերկարաձգել պայմանագիրը Սկոլարիի, ինչպես նաեւ ամբողջ մարզչական շտաբի հետ։ Բրազիլացի մասնագետը հավաքականում աշխատել է 2012 թվականի նոյեմբերից։ Այդ ընթացքում Բրազիլիան անցկացրած 29 խաղում չորս պարտություն է կրել, որոնցից երկուսը՝ վերջին հանդիպումներում։
Հիշեցնենք, որ ԱԱ-2014-ի կիսաեզրափակիչում բրազիլացիները 1։7 հաշվով պարտվել են գերմանացիներին, իսկ երրորդ տեղի համար խաղում 0։3 հաշվով՝ հոլանդացիներին։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։