Հենրիխ Մխիթարյանը շնորհավորել է Գերմանիայի հավաքականին (ֆոտո)

09:33   14 հուլիսի, 2014

Դորտմունդի «Բորուսիայի» կիսապաշտպան Հենրիխ Մխիթարյանը շնորհավորել է ֆուտբոլի Գերմանիայի հավաքականին աշխարհի առաջնությունում հաղթելու կապակցությամբ։

Հայաստանի հավաքականի 25-ամյա ֆուտբոլիստը ֆեյսբուքյան իր էջում տեղադրել է լուսանկար, որի նկարագրության մեջ ավելացրել է. «Շնորհավորում եմ աշխարհի չեմպիոն Գերմանիային»։

Հիշեցնենք, որ Յոահիմ Լյովի թիմի կազմում խաղում են «Բորուսիայի» չորս ֆուտբոլիստներ՝ Մատս Հումելսը, Էրիկ Դուրմը, Կեւին Գրոսկրոյցը եւ Ռոման Վայդենֆելերը։ Հայաստանի հետ ընկերական խաղում վնասվածք ստացած Մարկո Ռոյսը բաց է թողել Բրազիլիայում կայացած առաջնությունը։




© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։