Խեդիրան մեկ մրցաշրջանում աշխարհի չեմպիոն ու Չեմպիոնների լիգայի գավաթակիր դարձած 10-րդ ֆուտբոլիստն է
03:04 14 հուլիսի, 2014Մադրիդի «Ռեալի» եւ Գերմանիայի հավաքականի կիսապաշտպան Սամի Խեդիրան 10-րդ ֆուտբոլիստն է, ով մեկ մրցաշրջանում դառնում է աշխարհի չեմպիոն ու Չեմպիոնների լիգայի գավաթակիր, հայտնում է Goal.com-ը:
Նախկինում նման հաջողության հասել էին միայն գերմանացիների Ֆրանց Բեկենբաուերը, Պաուլ Բրայտները, Ուլի Հենեսը, Յուպ Կապելմանը, Զեպ Մայերը, Գերդ Մյուլերը, Հանս-Գեորգ Շվարցենբեկը, ֆրանսիացի Կրիստիան Կարեմբեն եւ բրազիլացի Ռոբերտո Կարլոսը:
Հիշեցնենք, որ նախավարժանքի ժամանակ ստացած վնասվածքի պատճառով Սամի Խեդիրան չմասնակցեց Բրազիլիայում ավարտված աշխարհի առաջնության եզրափակիչին, որում գերմանացիները նվազագույն հաշվով հաղթեցին արգենտինացիներին՝ 24 տարվա ընդմիջումից հետո դառնալով ֆուտբոլի աշխարհի չեմպիոն:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.