Բրազիլիայում ավարտված ֆուտբոլի աշխարհի առաջնության լավագույն ռմբարկու ճանաչվեց Կոլումբիայի հավաքականի եւ «Մոնակոյի» հարձակվող Խամես Ռոդրիգեսը:
ԱԱ-2014-ի «Ոսկե խաղակոշիկին» արժանանալու համար 23-ամյա կոլումբացուց պահանջվեց 6 գոլ: Խամեսին մեկ գոլ զիջեց աշխարհի նախորդ առաջնության լավագույն ռմբարկու, գերմանացի Թոմաս Մյուլերը («Բավարիա»):
Բրազիլացի Նեյմարը («Բարսելոնա»), արգենտինացի Լիոնել Մեսին («Բարսելոնա») եւ Ռոբին վան Պերսին («Մանչեսթեր Յունայթեդ») մրցաշարն ավարտեցին 4-ական գոլով:
Հոլանդացի Արյեն Ռոբենը, ֆրանսիացի Քարիմ Բենզեման, էկվադորցի Էներ Վալենսիան, շվեյցարացի Ջորդան Շաքիրին եւ գերմանացի Անդրե Շյորլեն ԱԱ-2014-ում աչքի են ընկել 3-ական անգամ:
Հիշեցնենք, որ Ռիո դե Ժանեյրոյի «Մարականա» ստադիոնում կայացած եզրափակիչում Գերմանիայի հավաքականը լրացուցիչ ժամանակում նվազագույն հաշվով առավելության հասավ Արգենտինայի թիմի նկատմամբ:
Թոմաս Մյուլերը ԱԱ-2010-ի լավագույն ռմբարկու ճանաչվել էր 5 գոլով:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։