ԱԱ-2014. Բրազիլացի ֆանատներն արգենտինացիներին թույլ չեն տվել քնել

Արգենտինայի հավաքականի եւ «Մանչեսթեր Սիթիի» պաշտպան Մարտին Դեմիչելիսը պատմել է, որ բրազիլացի ֆանատների անկարգությունների պատճառով արգենտինացի ֆուտբոլիստները չեն կարողացել հանգիստ քնել:

«Առավոտյան ժամը 4-ին ֆանատները պայթուցիներ էին ներտում մեր հյուրանոցի մոտ, որպեսզի քնելու հնարավորություն չտան մեզ: Ինչ էլ որ լինի, այսօր 40 միլիոն արգենտինացիներ կհամախմբվեն մեկ նպատակի շուրջ»,- Դեմիչելիսի խոսքը փոխանցում է Goal.com-ը:

Գերմանիայի եւ Արգենտինայի հավաքականների միջեւ ֆուտբոլի աշխարհի առաջնության եզրափակիչը կկայանա հուլիսի 13-ին Ռիո դե Ժանեյրոյի «Մարականա» ստադիոնում եւ կսկսվի Երեւանի ժամանակով 23:00-ին: