Դավիդ Լուիս. Չկարողացանք մոռանալ գերմանացիներից կրած պարտությունը

Բրազիլիայի հավաքականի եւ ֆրանսիական ՊՍԺ-ի պաշտպան Դավիդ Լուիսը մեկնաբանել է ֆուտբոլի աշխարհի առաջնության երրորդ տեղի խաղում հոլանդացիներից կրած պարտությունը:

«Գերմանացիներից կրած պարտությունից հետո մենք ընկճված էինք: Շատ տխուր էր, նույնիսկ չկարողացանք քնել: Հոլանդիայի դեմ խաղին դուրս էինք եկել հաղթելու վճռականությամբ, բայց հասկանում էինք, որ սա եզրափակիչ չէ: Պարտվեցինք աշխարհի առաջնության եւս մեկ խաղում:

Այժմ եկել է գլուխներս բարձրացնելու ժամանակը, քանի որ պետք է չհանձնվենք: Պետք է նվաճենք մեր 6-րդ չեմպիոնական տիտղոսը: Տեղի ունեցավ մի բան, որը հնարավոր չէ բացատրել: Գերմանացիների դեմ խաղը տխրեցրեց մեզ: Չկարողացանք մոռանալ այդ պարտությունը»,- Լուիսի խոսքը մեջբերում է Goal.com-ը:

Հիշեցնենք, որ հուլիսի 12-ին հոլանդացիները հաղթեցին 3:0 հաշվով՝ պատմության մեջ առաջին անգամ դառնալով աշխարհի առաջնության բրոնզե մեդալակիր: