Հյուսիսային Կորեայում հայտնել են այդ երկրի հավաքականի՝ Բրազիլիայում ընթացող ֆուտբոլի աշխարհի առաջնության եզրափակիչ դուրս գալու մասին:
Հյուսիսային Կորեայի հեռուստաալիքը Youtube-ում տեղադրել է տեսանյութ, որի համաձայն՝ հյուսիսկորեացի ֆուտբոլիստները հաղթահարել են ԱԱ-2014-ի խմբային փուլի արգելքը՝ տանելով 3 հաղթանակ ԱՄՆ-ի (4:0), Ճապոնիայի (7:0) եւ Չինաստանի (2:0) նկատմամբ: Աղբյուրի համաձայն՝ եզրափակիչում Հյուսիսային Կորեայի դեմ խաղալու են Կրիշտիանու Ռոնալդուն ու Պորտուգալիայի հավաքականը:
Իրականում, Հյուսիսային Կորեայի հավաքականը չէր նվաճել ԱԱ-2014-ի ուղեգիր:
Հուլիսի 13-ին Ռիո դե Ժանեյրոյի «Մարականա» ստադիոնում կայանալիք եզրափակիչում հանդիպելու են Գերմանիայի եւ Արգենտինայի հավաքականները:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։