Ֆրեդն ու Ժուլիո Սեզարն ավարտեցին կարիերան Բրազիլիայի հավաքականում

11:30   13 հուլիսի, 2014

«Ֆլումինենսեի» հարձակվող Ֆրեդը եւ «Տորոնտոյի» դարպասապահ Ժուլիո Սեզարը որոշել են ավարտել կարիերան ֆուտբոլի Բրազիլիայի հավաքականում, հայտնում է Goal.com-ը:

Բրազիլիայում ընթացող աշխարհի առաջնությունում 30-ամյա հարձակվողը մասնակցեց 6 խաղի՝ դառնալով մեկ գոլի ու մեկ գոլային փոխանցման հեղինակ: Նա ազգային թիմում անցկացրել է 39 խաղ, խփել է 18 գոլ:

34-ամյա Ժուլիո Սեզարը 2004-ից էր խաղում Բրազիլիայի հավաքականում, որի կազմում անցկացրել է 87 հանդիպում:

Հիշեցնենք, որ գերմանացիների դեմ ԱԱ-2014-ի կիսաեզրափակիչի խաղում բրազիլացի ֆանատները սուլում էին Ֆրեդին:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։