ԱԱ-2014. Հոլանդիայի հավաքականի յուրօրինակ ռեկորդը

Հոլանդիայի հավաքականի կազմում հայտավորված բոլոր՝ 23 ֆուտբոլիստները մասնակցեցին Բրազիլիայում ավարտին մոտեցող աշխարհի առաջնությանը: Դա առաջին դեպքն է, երբ ազգային թիմի բոլոր ֆուտբոլիստները խաղադաշտ են դուրս գալիս «Մունդիալում», հաղորդում է Infostrada-ն:

Լուի վան Գալի թիմի կազմում խաղացին նույնիսկ 3 դարպասապահներ՝ Յասպեր Սիլեսենը («Այաքս»), Տիմ Կրուլը («Նյուքասլ») եւ Միշել Վորմը («Սուոնսի»): Վորմը փոխարինման դուրս եկավ բրազիլացիների դեմ երրորդ տեղի համար խաղում, որում հոլանդացիները հաղթեցին 3:0 հաշվով՝ պատմության մեջ առաջին անգամ դառնալով աշխարհի առաջնության բրոնզե մեդալակիր: