ԱԱ-2014. Մեսին հիասթափեցրել է Գարի Լինեկերին
20:34 12 հուլիսի, 2014Անգլիայի հավաքականի եւ կատալոնական «Բարսելոնայի» նախկին ֆուտբոլիստ Գարի Լինեկերը գնահատել է Լիոնել Մեսիի ցուցադրած խաղն ԱԱ-2014-ում:
«Այս աշխարհի առաջնությունում Մեսիի հետ ինչ-որ բան այն չէ, թեեւ ես Արգենտինայի հավաքականի ավագի ամենամեծ երկրպագուներից եմ: Մեսին Մարադոնայից հետո ամենատաղանդավոր ֆուտբոլիստն է, սակայն Բրազիլիայում նա հիասթափեցրեց ինձ: Այս մրցաշարում նա շատ հասարակ էր: Հոլանդացիների դեմ խաղում Լեոն շատ քիչ էր շարժվում: Այժմ շատ հեշտ է հսկել Մեսիին: Սովորաբար նա վազում է ավելի շատ:
Մեսին միշտ խփում է շատ գոլեր՝ երկրորդ տեմպով ներխուժելով մրցակցի տուգանային: Սակայն ամեն անգամ, երբ Արգենտինան գրոհում է, նա նույնիսկ չի փորձում մոտենալ մրցակցի տուգանայինին: Այս տարի դիտելով «Բարսելոնայի» խաղը՝ տպավորություն էր ստեղծվում, որ Մեսին ուժերը պահում է աշխարհի առաջնության համար, բայց Բրազիլիայում նա լավագույն ֆիզիկական մարզավիճակում չէ»,- Լինեկերի խոսքը մեջբերում է BBC-ն:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.