Ժոզե Մոուրինյոն հրաժարվել է գլխավորել Բրազիլիայի հավաքականը
14:55 12 հուլիսի, 2014Լոնդոնի «Չելսիի» գլխավոր մարզիչ Ժոզե Մոուրինյոն առաջարկ է ստացել Բրազիլիայի ֆուտբոլի կոնֆեդերացիայից, սակայն հրաժարվել է աշխարհի առաջնությունից հետո Բրազիլիայի հավաքականի գլխավոր մարզիչի պաշտոնում փոխարինել Լուիս Ֆելիպե Սկոլարիին եւ լքել անգլիական ակումբը: Պորտուգալացի մասնագետը պատրաստ է հետագայում վերադառնալ այս հարցի քննարկմանը, գրում է Marca-ն:
Մոուրինյոն բազմիցս նշել է, որ մարզչական կարիերան ցանկանում է ավարտել հավաքականի մարզիչի պաշտոնում, սակայն նա նկատի է ունեցել Պորտուգալիան:
Բրազիլիայի հավաքականի գլխավոր մարզիչի թեկնածուների մեջ նշվում է նաեւ Տիտեն (Ադենոր Լեոնարդո Բակշի), որն աշխատել է բրազիլական ակումբների հետ: Նրա գլխավորությամբ «Կորինթիանսը» 2011-ին նվաճել է Բրազիլիայի չեմպիոնի տիտղոսը, իսկ 2012-ին՝ Լիբերտադորեսի գավաթը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.