ԱԱ-2014. Մրցավարների 1856 որոշումից 200-ը սխալ է
13:17 12 հուլիսի, 2014Բրազիլիայում ընթացող ֆուտբոլի աշխարհի առաջնությունում կայացած 62 հանդիպումներում մրցավարները կայացրել են 1856 որոշում, որից 200-ը սխալ է եղել, հայտարարել է ՖԻՖԱ-ի մրցավարական կոմիտեի ղեկավար Մասիմո Բուզական, փոխանցում է Goal.com-ը:
«Ֆուտբոլը զարգանում է, մրցավարությունը եւս նույն տեղում չի մնում: Մենք ձգտում ենք համապատասխանել խաղի աճող պահանջներին, սակայն ֆուտբոլիստների նման ունենք սխալվելու իրավունք:
Մրցավարական կոմիտեին գոհ է մրցավարության ընդհանուր պատկերից: Կարեւոր է, որ մրցավարները հարգանք են զգում իրենց նկատմամբ: Մրցաշարից առաջ մենք թիմերի հետ հանդիպումներ ենք ունեցել այդ հարցով, եւ կա արդյունք: Ֆուտբոլիստները եւս ավելի մեծ հարգանքով են վերաբերվում իրար եւ մրցավարներին»,- ասել է Մասիմո Բուզական:
Աշխարհի առաջնության ավարտին մնացել է երկու հանդիպում: Երրորդ տեղի համար կմրցեն Բրազիլայի եւ Հոլանդիայի հավաքականները: Աշխարհի գավաթը կվիճարկեն Գերմանիան ու Արգենտինան:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.