Ֆուտբոլի Արգենտինայի հավաքականի կիսապաշտպան Անխել Դի Մարիան ունի աշխարհի առաջնության եզրափակիչում Գերմանիայի դեմ խաղալու շանս, ասել է ֆուտբոլիստի գործակալ Եվգենիո Լոպեսը:
«Անխելն ապաքինվում է: Հստակ ժամկետի մասին չի կարելի խոսել, բայց նա շատ է ցանկանում խաղալ եզրափակիչում, եւ նա ունի այդ շանսը: Բոլոր հնարավոր ջանքերը գործադրվում են: Սակայն որոշում ընդունողն Արգենտինայի հավաքականի գլխավոր մարզիչ Ալեխանդրո Սաբելյան է»,- Լոպեսի խոսքը մեջբերում է Goal.com-ը:
Հիշեցնենք, որ Դի Մարիան մկանային վնասվածք է ստացել Բելգիայի դեմ քառորդ եզրափակիչի խաղում:
Աշխարհի առաջնության եզրափակիչ հանդիպումը հուլիսի 13-ին է: Արգենտինայի մրցակիցը Գերմանիան է:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։